Почетна | Новости | 19.06.2024

Иновативен студентски натпревар Team3Win на техничкиот кампус на УКИМ

Финале на УКИМ на иновативниот студентски натпревар Team3Win, спонзориран од престижната автомобилска компанија ADAC Automotive

Посветеноста на Универзитетот „Св. Кирил и Методиј“ во Скопје (УКИМ) за продлабочување на соработката со индустријата и поттикнување на нови таленти помеѓу студентите, придонесува кон технолошки развој создавајќи динамична синергија, која им користи на студентите и на поширокото општество.

Од меморандумот за академија – индустрија соработка, склучен во февруари 2024 година помеѓу УКИМ и ADAC Automotive од УСА, произлезе иновативниот студентски натпревар Team3Win, организиран во техничкиот кампус на УКИМ под спонзорство на ADAC.

На 19.06.2024, на Машинскиот факултет се одржа финалето на Team3Win, спонзориран од престижната автомобилска компанија ADAC Automotive. Tемата на инженерскиот предизвик беше поставена на почетокот од семестарот, од страна на ADAC Automotive, и гласеше:

Како ќе се влегува/излегува од автомобил во 2040?

Од пријавените 25 тимови, во финалето влегоа 8 тима. На јавната презентација пред жири составено од претставници на компанијата и на Факултетот, се слушнаа одлични иновативни идеи развиени од тимовите на студенти. Првите три пласирани студентски идејни решенија, се здобија со награди подготвени од страна на компанијата ADAC Automotive и истите ќе влезат во втора фаза на подршка, преку изработка на прототипи. Победници се следните три идејни решенија:

KTMV Mechanics
NextGen Solutions
Robo Tech Innovation

Преку оваа иницијатива, на студентите од Машинскиот факултет (МФС), Факултетот за информатички технологии (ФИНКИ) и Факултетот за електротехника и информациско инженерство (ФЕИТ) им се дава пристап до напредни ресурси, менторство од искусни професионалци и финансиска поддршка за развој на најсовремени проекти, кои се движат од одржливи дизајни на возила.

Ова партнерство не само што го подобрува образовното искуство на студентите, туку го поттикнува и духот на иновативноста и претприемништвото, подготвувајќи ја следната генерација инженери да се справат со предизвиците на автомобилската индустрија. Инспиративната соработка помеѓу индустријата и академијата го покажува патот за примена на теоретското знаење во практиката, обезбедувајќи им на студентите непроценливо искуство преку решавање на реални проблеми од индустријата.